Hrafnkell Sigurðsson hefur lengi lagt stund á umhverfislist, þar sem landslag og náttúra – einnig manngert umhverfi – verða hluti af sköpunarferlinu og móta listaverkið með listamanninum. Í Mývatnssveit hefur hann einkum áhuga á aflóga landbúnaðartækjum sem, ásamt staðsetningu og umgjörð verksins, hafa sín áhrif á heildarniðurstöðuna. Samspil vélræns efniviðar og lífrænna forma er meginþema.
