Um verkefnið
Skapandi viðbrögð
Viðbragð / Creative Responses er þverfaglegt samvinnuverkefni fræðimanna, listamanna og aðgerðasinna sem varpar ljósi á mikilvægi skapandi athafna í heimi sem stendur frammi fyrir djúpstæðum umbreytingum. Fræðirit, listsýningar, gestavinnustofur og málþing stuðla þátttakendur úr ólíkum áttum að stöðugri þróun nýrra hugmynda. Með visthverfa hugsun að leiðarljósi er lögð áhersla á fjölbreytileika, tengsl og sameiginlega ábyrgð í því að takast á við umhverfisógn á tímum loftslagsbreytinga.
List sem ferli
Sýningar, viðburðir og rannsóknir verkefnisins endurspegla þá hugmynd að listir, bókmenntir og skapandi viðbrögð feli ekki aðeins í sér úrvinnslu umbreytinga í umhverfi okkar heldur séu lykilþáttur í að tryggja afkomu manneskjunnar í breyttum heimi. Lögð er áhersla á að skapa vettvang þar sem ólíkar raddir mætast – fræðimenn, listamenn, rithöfundar og aðgerðasinnar – í rannsókn á eiginleikum vistlistar og tengslum manns og umhverfis.
Fréttir
ÚTGÁFA
Greinasafn
Greinasafnið Creative Responses to Environmental Crises in Nordic Art and Literature (Lexington Books, 2024) gefur breiða sýn á listræn viðbrögð við loftslagsbreytingum og öðrum umhverfiskreppum. Í ritinu er fjallað um bókmenntir, myndlist og kvikmyndir frá Svíþjóð, Noregi, Danmörku, Finnlandi, Íslandi og Færeyjum og endurspegla kaflar bókarinnar flókið samspil hins svæðisbundna og alþjóðlega í umhverfislist og aktívisma. Í bókina skrifa þekktir og upprennandi fræðimenn á sviði norrænnar vistrýni og beina athygli að flóknu og mikilvægu hlutverki lista, bókmennta og annarra skapandi athafna á krepputímum.
Ritstjórar: Katarina Leppänen og Auður Aðalsteinsdóttir.
Greinahöfundar: Ana Stanićević, Angela Snæfellsjökuls Rawlings, Auður Aðalsteinsdóttir, Camilla Brudin Borg, Georgiana Bozîntan, Johan Alfredsson, Karoliina Lummaa, Katarina Leppänen, Ole Martin Sandberg, Sigrún Inga Hrólfsdóttir, Torsten Bøgh Thomsen og Xin Liu.
Einnig eru í bókinni listaverk eftir Angelu Snæfellsjökuls Rawlings, Þórdísi Aðalsteinsdóttur og Hildi Hákonardóttur.
Listasýningar
Samsýningin Viðbragð / „Creative Responses“ hefur verið sett upp í Gallery SPECTA (16. maí–21. júní 2025) og Listasafni Akureyrar (27. nóvember 2025–8. febrúar 2026) og verður á næstu árum einnig sett upp í Finnlandi og Svíþjóð. Meginstef eru „skapandi viðbragð“ sem grundvallareiginleiki lífvera, fjölbreytileiki og aðlögun, sem og uppreisn gegn viðteknum valdakerfum með áherslu á umhyggju og samvinnu.
Sýningarstjórar: Auður Aðalsteinsdóttir og Þórdís Aðalsteinsdóttir
Listamenn: Angela Snæfellsjökuls Rawlings, Aurora Robson, Bolatta Silis-Høegh, Björg Eiríksdóttir, Hekla Dögg Jónsdóttir, Hildur Hákonardóttir, Hrafnkell Sigurðsson, Jóna Hlíf Halldórsdóttir, Kristinn Már Pálmason, Laura Ortman, Peter Holst Henckel, Sigga Björg Sigurðardóttir, Sigrún Hrólfsdóttir og Þórdís Aðalsteinsdóttir.
Nánari upplýsingar má nálgast í bæklingnum hér að neðan.
Viðburðir
List og náttúra
Styrktaraðilar
