Laura Ortman er fiðluleikari, tónskáld og ástríðufullur talsmaður samstarfs af ýmsum toga. Hún skapar fjölbreytileg verk, meðal annars á hljómplötum, með lifandi flutningi og í kvikmyndatónlist. Laura hefur sterka tengingu við myndlist, þar sem hún hóf feril sinn með gerð málverka og innsetninga áður en hún ákvað að einbeita sér að tónlist sem aðalmiðli sínum. Hún lýsir listsköpun sinni sem „hljóðhöggmyndun“.
