Hrafnkell Sigurðsson, gestalistamaður í Gíg, vinnur þessa dagana að skúlptúr úr fundnu efni í Mývatnssveit, í samvinnu við heimafólk og nemendur í skúlptúrgerð í Þingeyjarskóla. Þann 21. nóvember klukkan 16 til 17 verður opið hús í vinnustofu Hrafnkels og er öllum velkomið að koma þá við, sjá listamanninn að störfum og fá innsýn í það hvernig verkið mun verða. 

Hrafnkell hefur lengi lagt stund á umhverfislist, þar sem landslag og náttúra – einnig manngert umhverfi – verða hluti af sköpunarferlinu og móta listaverkið með listamanninum. Í Mývatnssveit hefur hann einkum áhuga á aflóga landbúnaðartækjum sem, ásamt staðsetningu og umgjörð verksins, hafa sín áhrif á heildarniðurstöðuna. Samspil vélræns efniviðar og lífrænna forma er meginþema.

Hrafnkell mun einnig ræða við áhugasama um verkið á opna viðburðinum „Spjallað um umhverfislist í setrinu“, sem haldið verður í Gíg 25. nóvember klukkan 17:00.

Verk Hrafnkels og skúlptúrar nemenda í Þingeyjarskóla verða svo flutt til Akureyrar þar sem þau verða hluti af sýningunni Viðbragð á Listasafninu á Akureyri, sem opnar 27. nóvember klukkan 20:30. Allir eru velkomnir á þá opnun líka.